Transcription
1
Reçue à Grenoble, le 02 mars 1573.
2
Monsieur, suivant ladvis que monsieur d’Ourche mon cousin donna à ma femme denvoier
3
querir le passeport quil pleut à Monsegneur me donner pour me retirer en ma maison,
4
je nay voullu fallir à lenvoyer par ce porteur, lequel entre aultres choses, m’a faict
5
entendre les faveurs et gratiffications que jay receu de vous, tant à la reduction de
6
mes biens que aultremant, dequoy je vous mercye très humblemant, et men sens
7
tellemant obligé à vous, quil ne se presentera jamais occasion où jaye moyen
8
vous fère très humble service, que je ne le face. Je suis icy en madite maison
9
de Cugie, en laquelle je pretens resider quelques années, ayant pour cest
10
effect envoyé querir ma femme et mon mesnage, vous suppliant derechef
11
très humblemant la favoriser de tant, que avec ung passport de vous,
12
elle se puisse conduire en toute seuretté jusques en Savoye pour, delà,
13
sacheminer en ce lieu, et mobligerés de plus en plus à vous fère très humble
14
service, presentant en cest endroit mes très humbles recommendations à votre
15
bonne grace, et prie Dieu,
16
monsieur, vous donner en prosperité et santé, très heureuse et longue
17
vye. De Cugie, ce XIIII febvrier 1573.
18
Votre très humble et très affectionné
19
Serviteur
20
Cugie